النواب يروون للقاهرة اليوم تفاصيل فضيحة شوبير وبيومي

من Ikhwan Wiki | الموسوعة التاريخية الرسمية لجماعة الإخوان المسلمين
اذهب إلى التنقل اذهب إلى البحث
النواب يروون للقاهرة اليوم تفاصيل فضيحة شوبير وبيومي
الإستاذ يسري بيومي

البشاير – ماجدة فتحي

اتصل النائب يسري بيومي ليروي تفاصيل الفضيحة التي جرت في مجلس الشعب وشتائم احمد شوبير وقال :

شوبير قال للعمال المعتصمين احمدوا ربكم هتاخدوا شهرين وتقعدوا في بيوتكم وهو المستثمر هيعمل أكتر من كده .....انا رديت عليه وقلت العمال عايزين يشغلوا شركتهم مش عايزين يقعدوا في البيت فرد عليا قال بطلوا مزايدة انتوا كل حاجة هتعملوا فيها كده وتعملوا من الحبة قبة ....قلت له اسكت انت دورك مشبوه في موضوع شركة كتان طنطا وممكن تروحوا تسألوا العمال عن دور شوبير اللى قال انا بدفع من جيبي للعمال وهم بيقولوا محصلش ، وكلامه أدى الى مشاجرة بين العمال ، قلت له انزل اقف مع العمال في الشارع

رد شوبير وشتم شتيمة ماينفعش اقولها وتتعرض للأب والأم والرجولة ومسك فازة ورد في ايده عايز يرميني بيها ....

واسمع العمال بيعملوا ايه وهم بيهتفوا ضده وعملوا بيان ضده ....لكن العمال لهم حقوق .

اتصل احمد شوبير بالبرنامج للرد على بيومي وقال : انا هاشهد النائب الاخواني علي فتح الباب ولو قلت لفظ خارج اعمل اللى انت عايزه ، والموضوع ده قديم وسيادة النائب ده مالوش علاقة بيه والمصنع ده على بعد أمتار من بيتي وانا لا اعرف المستثمر ولاشكله ولا عمري شفته والحمد لله الارض اصبحت ملكية دولة وخدنا قرار من مجلس الوزراء والشركة القابضة ونجحنا مع السيدة عائشة عبد الهادي انها تصرف اجر العمال ، وانا رحت لها مرتين مكتبها ونجحت الاتصالات اننا نطلع الاجر الثابت والحوافز بتاعتهم وكل ماقلته كتر خير اللجنة ,,,,

وقلت الناس قعدتها هنا مش كويسة ....وأنا قلت ( ياوسخ ) وهو قاللى انت مشبوه ...ده يعني ايه ؟ انا حرامي او مرتشي وقاسم مع المستثمر مثلا ....

بعد الكلام ده واحدة راحت للعمال وحرضتهم عليا والمصنع الان مقسوم قسمين واحنا حرصا على مصلحة الجميع اشتغلنا علشان الجميع ، وانا بحاول احل المشكلة ولا ادافع عن المستثمر

بينما قال النائب صبري ابو الفتوح " الجلسة كانت ساخنة جدا والوضع كان مشحون وكان هناك تضامن ورغبة في مساعدة العمال ، وبعد رفع الجلسة كان يسري بيومي بيسأل حسين مجاور والعمال يروحوا فين ؟ فقال له احنا عملنا اللى علينا ، وقال شوبير أن العمال هيصرفوا شهرين وهم قاعدين في بيوتهم ...

قال بيومي العمال عايزين يشغلوا المصنع فرد شوبير دي مزايدات فقال بيومي انت دورك مشبوه

رد شوبير قال انا مشبوه ياوسخ ؟ انا مشبوه ؟ ...

اتلمينا كلنا وحاولنا احتواء الموقف ، شوبير قعد مع حسين مجاور وظل يزعق والاستاذ يسري بيومي كان بعيد وفوجئنا بشوبير يتهجم عليه علشان يضربه وقال له وحياة أمك هضربك وحياة أمك مانا سايبك وانتى هكذا الموقف

رد شوبير قائلاً : حصل وده واحد وقف يردد انس مشبوه وقاسم مع المستثمر ....وكررها عدة مرات ولعلمك النائب الذي تحدث الآن هو من الاخوان ، وكل ماقاله حصل

سأله موسى : ليه مافكرتش تبلغ النائب العام ؟

رد شوبير : ما بلغنا ان اتقال عليا باتاجر في المخدرات والادوية ولم يحدث شئ

انا كنت على وشك اقول هاجيب ال250 الف جنيه علشان الناس دي تروح بيوتها وتعيش عيشة كريمة ودول ولاد بلدي واجنبي .

اتصل صلاح مسلم رئيس اللجنة النقابية للعاملين وقال : العرض اللى اتعرض ده كويس جدا بس ده يرجع للعمال والوقت كان متأخر وكانوا بيقولوا ان مشكلتهم كلها انهم قلقانين من المستثمر او الادارة المصرية وخايفين يضحكوا عليهم ومفيش مصداقية مع ادارة الشركة

المصدر